Wahala dey ground as one new study wey Bank of Korea release talk say almost four million work for South Korea dey at risk to waka comot as artificial intelligence (AI) technology dey gain ground. The study wey dem release on Thursday yan say AI fit carry waka for people work from now till the next twenty years.
As AI technology dey move fast everywhere, people don dey para say e fit bring wahala like people losing work, cyber attacks, and even humans no go fit control the systems wey dem don design.
The Bank of Korea research talk say about 3.9 million work dey at risk as AI dey spread for South Korea, and e fit affect doctors, lawyers, accountants, and chemists pass other work. Dem talk say people wey sabi book well-well and dey earn big money fit get wahala pass others as AI fit replace them.
Dem talk say the kind work wey need brain work like doctors, lawyers, accountants, and chemists dey under serious threat because AI fit do all their work with small effort.
The report talk say people wey dey do religious work, food business, and teaching work fit no lose their job as AI dey show face. But, the people wey go fit get new work pass na those wey go fit develop and maintain AI systems plus those wey go fit start AI-related business.
The Bank of Korea talk say even though AI dey threaten old work, e still dey bring new opportunities for some people. But dem talk say because the new work wey dey show face dey only one side, some people fit get hard time to waka enter the new work when AI show face.