Ogun goment don start to demolish shanties and makeshift structures for Kara along Lagos-Ibadan Expressway on Tuesday.
According to di task force, dem talk say these shanties and illegal structures dey spoil the road and dem dey hideout for criminals for the area.
Findwhosabi Online talk say di operation bin dey lead by di Senior Special Assistant to di State Governor on Environment, Farouq Akintunde.
Akintunde talk say dem do dis exercise to make Ogun State dey shine as di industrial hub of Naija.
E talk say, “Ogun State get role wey dem go play for di economic advancement of di nation. No serious investor go waka come here and partner with us if we still get dis kind shanties and rubbish.”
Our person wey dey there yarn say shit and dirt full for di road median along di corridor and under di Kara Bridge.
Even though some protesters bin dey carry stick dey do small opposition, di place get security well-well with policemen and operatives of Ogun State Community Social Orientation and Safety Corps wey dey ground to no make violence happen.
Findwhosabi Online talk say di operation still dey go on as time reach when dem file dis report.
More tori go land later…