One man waka enta one church for im street, talk say make dem stop to dey make noise wey dey disturb di area. Video of di man and im dog dem wey im carry follow am, don go viral for internet.
Dis tori happen one night, while di congregation dey pray seriously for inside di church, dis man show face with im security dogs.
Despite di man carry dogs come, di pastor still dey lead di congregation dey pray seriously. E be like say dem no send the man with im dogs.
Dem talk say dis matter happen during vigil for one Ghanaian Pentecostal church. Di man carry im dogs come intimidate di people for church, make dem reduce di way dem dey yan.
However, di people for church no shake, dem continue dia prayer as di noise level no reduce. Di man con waka comot with im dogs as e be say dem no gree shake.
Some pipo don yan dia mind on top di matter. For social media, one person talk say make Nigerians learn from dis man, say make dem use dogs stop noise from churches wey dey disturb area.
Anoda pesin yan say di man don suffer, say di noise from di church don give am wahala, e even affect im mental health.
People still dey yan di matter for social media. Some talk say make dem get regulations to stop noise pollution, say noise fit dey cause wahala for pipo.
Watch di video for down: