Naija actor, comedian, radio and TV person, writer, producer, and film director, Ayodeji Richard Makun wey people sabi as A.Y, don use Instagram hail himsef and him wife, Mabel, as dem mark 15 years of marriage and 20 years of togetherness.
For di post wey don catch pipo eye, di comedian yan about di struggles, good times, and experiences wey don shape dia love life.
A.Y talk say, “E don waka 20 amazing years wey we sabi each other, 15 years for marriage wey carry yawa, enjoyment, sometimes better sometimes bitter, and wey carry pains and gains.”
“We dey thank God for dis kind love and grace wey hold us gidigba and dey make us dey count all these years of celebration.”
“On top dis, our first 15-year anniversary, I dey wish both of us more love, strength, patience, tolerance, and happiness to celebrate many more 15-year anniversaries together. I LOVE YOU.”
Just afta dis post, fans and well-wishers don full di comment section wit dia good wishes.