Bandits on Friday reportedly carry waka enter Maru Local Government Area for Zamfara State, kidnap over 100 people, and most of dem na women and pikin.
The PUNCH yarn say dis one happen just one week after dem kidnap 15 people for Ruwandoruwa community for the same local government area.
Our person gather talk say the four villages wey dem attack na Mutumji, Sabongari Mahuta, Kwanar Dutsi, and Unguwar Kawo, all inside Maru LGA.
Dem carry dem talk say na because the people no gree pay the money wey dem impose for the community, na im dem carry dem waka.
From Mutumji, one person talk say the bandits enter the place around 9pm just after prayers, start to shoot anyhow, come make the residents run enter bush.
One resident, Bala Usman, talk for phone say the bandit leader wey dey operate for the area don impose N110 million naira levy on top the four communities for the harvesting wey dem do. The leader still give dem two weeks to pay.
E talk say Mutumji get N50 million levy, Kwanar Dutsi get N30 million, Sabongari Mahuta get N20 million, and Unguwar Kawo get N10 million levy.
Another person wey sabi the matter talk say as the communities dey try gather the money, the bandits no fit wait again, na im dem carry wahala enter the community on Friday evening.
Dem try reach some government people and police people for the state, but e no work as dem no gree answer di calls.