Leadership of Biafra Independence Movement (BIM) and Movement for the Actualisation of the Sovereign State of Biafra (MASSOB) don yan say former governor of Anambra State, Peter Obi, and ex-governor Rochas Okorocha of Imo State, betray late Biafran leader, Chukwuemeka Ojukwu.
Dem talk this one for one statement wey Mazi Mocha, Senior Special Assistant on Media and Publicity for BIM-MASSOB release on Wednesday. Dem talk say Obi and Okorocha betray Ojukwu when dem waka comot from All Progressives Grand Alliance (APGA) and join other political parties after dem serve as governors on the platform of APGA.
Dem yan say if no be for Ojukwu, Obi for no become governor for Anambra State for 2003.
Mocha talk say, “As BIM-MASSOB dey prepare to celebrate the 12th edition of Ojukwu Memorial Day on November 26, we need let the world know say former governors of Anambra State, Peter Obi, and Imo State, Chief Rochas Okorocha, betray late Dim Chukwuemeka Ojukwu.
“A few months after the founder of APGA die for November 2011, and the burial ceremony for 2012, Peter Obi waka go Peoples Democratic Party (PDP) where e later become vice presidential candidate to Alhaji Atiku Abubakar of the party.
“When Obi no fit secure PDP presidential ticket, e quick waka commot go join Labour Party, where e come out as the presidential candidate for the party for February 25, 2023 general elections.
“If no be for Ikemba Nnewi, the APGA governorship candidate for 2003 election for Anambra State no go fit become governor.
“Remember say Dr. Chris Ngige of PDP bin talk say e win the April 2003 Anambra State governorship election before Ojukwu waka enter.”
BIM-MASSOB talk say e dey regrettable say Obi never acknowledge Ojukwu role anytime wey e talk about how e take collect back hin mandate through court.
“Peter Obi no sabi about this deal, but every time for media, e go talk say e no spend money to collect hin ‘stolen’ mandate through court process.
“Yes, Peter Obi no spend money because Ojukwu and Ralph Uwazuruike no ask am to bring money. For person to become governor or President, e get some things wey e suppose do wey Peter Obi no do; instead, e dey do consultation with northern Emirs and Yoruba Obas.”
Mocha talk say, “Na also Ralph Uwazuruike make Rochas Okorocha fit achieve hin governor ambition for 2011 on top APGA platform. Our members support Okorocha thinking say e be true Igbo son, and as a philanthropist, e go fit bring democracy dividends to Imolites.”