Famous singer and business guru, Oluwatosin Oluwole Ajibade, wey pipo sabi as Mr Eazi, don yan how e love take dey show and how im pikinhood affect im decisions.
According to the person wey dey control Zagadat Capital, receiving alert na di major way wey e dey understand love.
E yan dis one for recent interview with di ogbonge radio presenter, Osi Suave on top The Beat 99.9 FM for Lagos.
As im dey yan about im love experience, Mr Eazi talk say e bin dey mix “financially present” with “physical presence” because im papa dey responsible even though e no dey always dey around due to di work wey im dey do.
E add talk say di way e grow up na e make im love language to be credit alert.
“My love language na credit alert. But to understand another person love language, to sabi how to talk and apologize, and to know how to move to di next level for relationship like engagement, new house, or marriage, na so di last five years for my relationship be.”
If you like, you fit watch di video for down here …
.