Sad tori wey land talk say Aminu Surajo Bono, wey be popular director for Kannywood, kolobi on Monday evening.
Dem talk say di director fall yakata for Monday night and dem rush am go hospital, but e be like say e don dey too late as medical people talk say e don kpai.
As e dey follow Muslim tradition, dem go bury di late director on Tuesday.
One of im colleagues write, “Make God get mercy on Aminu S. Bono and make paradise your final abode,” e add picture of di late director.
Director Bangis, wey talk more tori, yan say Aminu S. Bono no sick at all. “We bin plan to see before, but afta we talk for phone, I later hear say e fall and dem carry am go hospital, where doctors talk say e don kpai.”
Director Bangis talk say dem go do di burial on Tuesday morning as e dey follow Muslim tradition. Di Kannywood film industry dey mourn for di loss of dis talented director.