One Nigerian man don waka comot internet pipo for laugh sake wit im reply to one rejection email wey e collect from one UK company.
After e apply for job wen be one support worker position for the company, dem send Dayo email talk say im application no work.
Instead make Dayo chop im L (Loss), im con sharply reply with one response wey scatter internet because of job.
Dayo response to the HR rep, as HenryHennery share am, show say im dey serious to get the job.
For im email, im talk say thank you for di last response and e come add joke say im dey reject di rejection.
Dayo yan say e go show face for di company office on di 9th of January to meet di team.
Im write say;
“Dear HR, Thank you for your response. I fit smell di kind feeling for di last email. But I dey sorry to yan you say I reject your rejection. I go show face for di office on di 9th of January to meet di team. Best wishes, Dayo.”
Sonia, di HR rep, bin shock as she reply Dayo. She yan thank you for di email but come talk say for im CV, e talk say im dey based for Naija.
Sonia come talk say she dey confused about Dayo wey talk say e go show face for dia office for UK. She ask Dayo say;
“Good afternoon Dayo, Thank you for your email, your cv states that you are based in Nigeria, therefore could you please tell me which premises you intend to visit on the 9th January? As we are based in the UK. Kind regards. Sonia.”
Di whole drama between Dayo and Sonia bring more laugh as pipo dey wait to see wetin go happen next.
@fazygodspower talk say: “Omoh, na who gree really lose.”
@MikeUbaka talk say: “Tell them say you go show no matter wetin.”
@BigSwissMo yan say: “You need answer dem say you don dey road dey come. Your bus don won move.”
@onowu talk say: “The mail shock HR.”
@prof_pius talk say: “Dem wan know where dem go tell police make dem wait for you.”
@HopeRemy talk say: “Wetin kind year be dis? Wetin dey happen?”
See di post down: