Popular musician, Seun Kuti, don yarn say many Nigerian celebrities dey behave the same way as Israel DMW when dem jam politicians.
E talk this one as e react to the ongoing drama between Israel DMW and im wife, Sheila, wey relationship dey shake as a result of the way wey Israel dey respect and dey loyal to im boss, Davido.
Without doubt, most Nigerians sabi say Israel dey respect im boss, Davido, but some people talk say the respect don dey too much wey e be like say e dey reduce im status as a man and as husband.
Seun talk say Nigerians and dignity no dey follow for the same sentence.
Im talk say behind the camera, many Nigerian celebrities dey behave exactly the same way wey Israel dey behave when dem meet politicians.
Im post talk:
“All the celebrities in Nigeria behave like Israel in front of politicians and billionaires, na praise una dey praise dem na. Why is this different? At least David isn’t sucking your blood! Who deserve hailing? Question for the gods.”
