Di Senate don talk say make Oga military and all di security people show face as di wahala for insecurity dey wahala for Naija.
Dem come talk say make di Service Chiefs waka come yan dem tori for closed session on top how dem dey try manage di wahala for di kontri.
Na after Senator Abdulaziz Yar’Adua carry motion come yan di mata for di Senate meeting on Thursday.
Dem come hail di security people say dem dey try for di work wey dem dey do to secure di kontri.
Di Senate still talk say make dem dey join hand well well and dey talk to each other so dat dem go fit helep tackle di wahala wey dey ground.
Dem say make dem even carry National Security Policy so dat all di security people go sabi how dem go fit follow each other yarn and join bodi well well to dey tackle di wahala wey dey Naija.
Senator Yar’Adua talk say dis wahala for insecurity wey dey Naija now, e no be small matter, say e need all di security people to work together and fit show love for di kontri.