Last weekend, serious gbege waka happen as one man wey dem dey call papa, burst into serious tears after DNA test show say none of im four pikin na im get biologically.
Dem ask am why e decide to run the DNA test, e talk say e dey suspect im wife dey waka “unpure ways,” so e decide to run the test for im first pikin. As dem carry the result show negative, e carry waka run the test for the remaining three pikin, all join negative.
As dem go ask im wife wetin she reason for the matter, she no gree gree the result. She talk say she no dey there when dem carry sample, and she no know which one dem carry, so she no fit gree the result. She even dey talk say she sabi how she take born the pikin.
People come dey yan, e be like say e good make dem start campaign wey go talk “know your fertility status before marriage” so dat all dis kind DNA gbege no go too much.
The matter be say, people dey find out their genotype before dem marry, so why men no fit waka go find out if dem fit born pikin before dem put ring for woman hand?
The writer talk say e no good make person wait until after marriage before dem go know if dem go fit born pikin. E talk say na so e dey cause plenty yawa, as some men go dey find out say dem no fit born pikin after dem don marry tey tey.
The writer con yan say, make men shine dia eye, say if pikin no gree come, e no be death sentence. E say make dem find out dia level from the beginning so dem go fit waka with beta plan.
E still talk about our culture, say before before, if man no fit born pikin, e fit allow im wife carry belle from outside, and dem go treat the pikin like say e bi dia own. E come talk say make we reason am, say if person fit adopt pikin wey dem no sabi di papa and mama, why e go hard make person chop belle wey e know say na im wife get di pikin outside.
The writer talk say we gats reason our culture well, make e fit dey humane, and make we dey use sense reason some kind matter.
Download Our Mobile App
For Android, click here
For IOS, click here